Дыярыюш

Латышонак, каторы Алег, мае права (маральнае) пісаць падручнікі пра Беларусь?

2009-12-13T13:52:00Z

Алег Латышонак будзе прэзентаваць сваю (у сааўтарстве з Булгакавым) кніжку.
Я, канечне, пастараюся пачытаць гэтую кніжку. Але ўжо загадзя адносіны да яе будуць прадузятымі. Як можа аўтар, Алег Латышонак, які сярод беларусаў нагнятае канфрантацыю, быць аўтрам ПАДРУЧНІКА пра Беларусь?
Ягоны выпад супраць значнай часткі беларусаў: "Калі саветы прыйшлі ў Заходнюю Беларусь, дык загадалі, цяпер гэта ўжо ведаем зь іхных дакумэнтаў, браць да супрацоўніцтва зь ліку тубыльцаў выключна дэбілаў. Цяжка паверыць, але так было" я пракаментаваў (http://nn.by/index.php?c=ar&i=31039). Не былі дэбіламі Машара, Пестрак, Новік, Танк... Спіс можна доўжыць. А вось развальваць адзінства сярод тых, хто лічыць сябе беларусамі -- поўны дэбілізм.
Абяцаю кнігу набыць, пачытаць, і падзяліцца ўражаннямі.

А мы -- лепшыя!

2009-12-11T22:28:33Z

Можаце павіншаваць -- будзе прыемна, можаце пакрытыкаваць -- будзе карысна:)
"Сайт «Рэгіянальнай газеты» паказаў найбольшы прагрэс цягам года, - лічаць у інстытуце FOJO"H'ubzyf

Як я з печы скокнуў

2009-12-09T14:30:59Z

Памятаю й сёння гармідар у бабулінай хаце.

Яе брат Пецька Гастэла:

– А што мне цяпер з кажухом рабіць, Волька?!! Яго ж не адмыеш!

– А мой ты Пецечка, ці ж я ведаю?!! Божухна ж ты мой, а мая ты брага! Заварвала, заварвала, а тут... Барыс! (да майго бацькі) што ж ты не ўгледзеў?!

Бацька, не рэагуючы на папрок цешчы:

– А ўжо ж аўтобус слабадскі зараз будзе! А валёнкі ўсе мокрыя. Куды я з ім?!!

Усё круціцца нейкім адным суцэльным клубком і верашчыць, крычыць, войкае...

І толькі я стаю ціхенька ў кутку, перамінаючыся босымі мокрымі нагамі на “цумантовай” гладкай і халоднай падлозе кухні. Дзве хвіліны таму я скокнуў з печы. На дзежку. Прыкінутую кажухом воўнай ніц з плячэй дзядзькі Пецькі. Які ўвабраў усю брагу з дзяжы. А што не ўвабраў – я валёнкамі вычарпаў.

Вынік. У пасіве: знішчаныя брага, кажух, валёнкі, спазненне на аўтобус да Вілейкі.

У актыве: ёсць што ўспомніць.

Было мне нейкіх 5-6 год.

Школка Дзядзькі Капцюга

2009-12-08T07:48:13Z

Анатоль Іванавіч Капцюг -- вядомы гродзенскі архітэктар, колькі год таму вярнуўся на сваю радзіму ў Вілейку. І адчыніў дзверы сваёй Школкі, дзе ён расказвае дзеткам і не толькі пра спадчыну беларусаў.

Расказвае і паказвае. Напрыклад, як жылі нашы дзяды-прадзеды:

Ён узяў за ўзор сядзібу свайго дзеда Грышкі, што меў хутар. Анатоль Капцюг пражыў з бабуляй сем гадоў, з 1951 да 1957 года, і шмат чаго памятае.
Яго школка будзе працаваць і на тое лета. Аб чым паведамлю. А пакуль можаце папрысутнічаць на ранейшых яго ўроках.

Ну вось, і да мяне дайшло, нарэшце:)

2009-12-07T21:14:18Z

-- Чаму я нічога сур'ёзнага так і не чытаў ад тых, хто старанна запісваў гутарку за сталом у Мядзведзева? -- думаю я сабе.
-- Усё ж аднолькава, усё ў стэнаграме, -- адказваю сам сабе. -- Што тут напішаш?
-- Дык расійскія ж пісакі, -- працягваю сабе думаць далей, -- пасля візіту да Лукашэнкі пішуць і пішуць, друкуюць і друкуюць...
-- А што ж гэта нашы? -- напружваю мозг.
-- Іх жа па калгасах не вазілі, -- адказваю настырнаму alter ego. -- Пра што тут напішаш?
Мне становіцца лягчэй.

Валодзя

2009-12-02T09:51:40Z

Валодзя ўмеў усё. Зрабіць драўляны футарал для ручной швейнай машынкі, лодку, швабру, пабудаваць дом. Не было здатнейшага рыбака ў наваколлі. Калі хто з мужыкоў збіраўся лавіць брадніком (які ў нас завуць броднем або палазамі) рыбу, то запрашалі ў каманду Валодзю – ніхто не ведаў лепш за яго дно Нарачанкі ці Вузлянкі. Добрую самагонку умеў выгнаць. І выпіць умеў.

Валодзя разумеў усё. Калі мы, ужо добрыя падшыванцы, кароткай цёплай ліпеньскай ноччу збіраліся на мосце праз Нарачанку паблізу млына, каб сябе перад дзяўчатамі паказаць і прыплясвалі пад музыку з “транзістара” “Вэф-202”, Валодзя браў у мяне прыёмнік, клаў руку на дынамік і ў такт такія танцавальныя фігуры выдаваў!..

Аднаго не ўмеў Валодзя Нямы – гаварыць і пісаць. Але і гэта можа быць няпраўдай – людзі, мабыць, проста не разумелі мовы Валодзевай, які ад маленства не чуў. У спецыяльную ж школку Валодзю ніхто не аддаў.

Сям’ю сваю не завёў. Так і дажыў да сталасці бабылём.

Валодзю ніхто ніколі спецыяльна не запрашаў на вяселлі, хрэсьбіны... Магчыма таму, што лічылі, што ён не чуе і не зразумее нічога. Але Нямы заўсёды быў у сваёй радні і на вяселлях, і на хрэсьбінах, і на хаўтурах. Нават калі гэта адбывалася не ў роднай вёсцы... Валодзя усё разумеў.

На вяселле ў Абрамаўшчыну, якая ад роднай вёскі Іжа, калі не праз Калодкаўскае балота, за добрых кіламетраў 20, прыехаў на ровары.

Валодзя добра там выпіў. Сеў на ровар і падаўся дадому.

У Іжы Валодзю не дачакаліся. Ні праз дзень – можа ў балота патрапіў і заблудзіў? Ні праз два – можа дзе ў радні ў якіх Баравых затрымаўся? Ні праз месяц, ні праз паўгода. Валодзя знік.

Па Валодзю радня выплакала ўсе вочы. Думала рознае. Няма чалавека. Але ж і на Залатовіцы, дзе могілкі, курганка новага не з’явілася. Быццам і не было ніколі Нямога.

...

Іван, калі прыехаў па Валодзю на Полаччыну, дзе яго выпадкова заўважыў нейкі іжанскі чалавек, першы раз у жыцці так плакаў, абдымаючы брата: – Жывы!

А як нямы чалавек, які ў школку не хадзіў, не ўмее гаварыць, спытаецца пра дарогу? Ён і назву сваёй вёскі, няхай у ёй усяго тры літары, не напіша. Так і даехаў на ровары да Полацка за дзве сотні кіламетраў, дзе нейкая добрая душа прытуліла яго. І каб не выпадковая сустрэча з земляком, ніколі б яму не вярнуцца ў Іжу.

На Залатовіцы пару гадоў таму паблізу помнікаў Маньцы і Данілу з’явіўся новы курганок. Там спачывае іх сын Валодзя Нямы. Аднавяскоўцы кажуць, што не зусім цвярозы Валодзя трапіў пад колы. Не выжыў. Але ніхто не ўзбуджаў ніякай крымінальнай справы – што паправіш? У Валодзі не засталося ні жонкі, ні дзяцей. Валодзя ўсё ўмеў. Але яго не разумелі.

Плёткі. Паралельнае жыццё

2009-11-27T09:04:14Z

Жыццё і клопаты простых людзей, якія пра Інтэрнэт, мажліва, ніколі не чулі. Блог kazali

Размаўляеш па мабіле? Кіроўца папросіць цябе вон

2009-11-27T08:06:57Z

Размаўляеш па тэлефоне? Кіроўца гарадскога аўтобуса папросіць цябе выйсці. Такія правілы ўвялі варшаўскія транспартнікі:
http://wiadomosci.gazeta.pl/Wiadomosci/1,80273,7301978,Rozmawiasz_przez_telefon__Kierowca_wyprosi_cie_z_autobusu.html?utm_source=Nlt&utm_medium=Nlt&utm_campaign=856991
Вам замінае мабільны звон у транспарце?

Дактыласкапія

2009-11-25T14:27:06Z

Я не лічу, што дактыласкапія, здаванне сліны на аналіз генатыпу і падобныя рэчы накіраваныя супраць асобы:
Вылучаны генатып забойцы

Чаму наш Кролік-Трусік у пралёце

2009-11-21T21:55:22Z

Толькі што па скайпе пачаціўся з доняй, якая за Кроліка была. Фрагменты з нашай гутаркі:

[23:43:18] Aliaksandr Mancewicz: Я адразу сказаў, што на апошніх месцах яму быць. А хто першае? А кролік якое?
[23:44:06] nasta: першае нідзерланды. кролік недзе у канцы. але усё роўна - ён лепшы!
[23:44:18] Aliaksandr Mancewicz: Гэта зусім не песня. У іншых намінацыях можа быць, але не ў песнях. І ўвогуле там інтанацыі з гэтага "Прывіда оперы". Спісана
[23:46:54] nasta: ну не ведаю. мне кролік больш за ўсіх падабацца
[23:47:57] Aliaksandr Mancewicz: Ён выбіваецца з іншага. Гэта як на песенным фестывалі выступіць з танцам. Таму і заўважны, але не лепшы. Нельга параўноўваць смак бульбы са смакам клубніц. Бульба -- у сваім класе, клубніцы -- у сваім.
[23:49:31] nasta: я усё роўна застануся пры сваім меркаванні :)
[23:49:41] Aliaksandr Mancewicz: На здароўе.
[23:49:47] Aliaksandr Mancewicz: :)
[23:49:50] nasta: :)

Пра дарагую кумпанію. Гісторыя фразеалагізма "За кампанію..."

2009-11-21T21:20:22Z

Пра дарагую кумпанію. Гісторыя фразеалагізма "За кампанію..." тут:
http://werthmueller.livejournal.com/101169.html

Віншую Літоту_!

2009-11-16T10:52:53Z

Litota_ (http://users.livejournal.com/litota_), якая свайго часу піярыла мяне ў ЖЖ, сёння 10 год як майстар спорту Беларусі па акрабатыцы [ці ведае яна сама пра гэта?]. Віншую! Прапаную нашым агульным фрэндам зрабіць тое самае:)

Не адчуў першакрасавіцкі подых інфармацыі

2009-11-16T09:15:40Z

Не паспеў пахваліцца веданнем польскасці паходжання прэзідэнта (http://alex19581958.livejournal.com/8596.html), як мяне паправілі:
жарт, аказваецца:
http://poczobut.livejournal.com/327606.html
Выбачайце.

Аляксандр Лукашэнка мае польскія карані

2009-11-16T08:06:30Z

Пра гэта сцвярджае польскі актывіст з Ліды. Дзедам Аляксандра Лукашэнкі, кажа ў інтэрв’ю польскаму журналісту Лукашу Казьмерчыку Аляксандр Сямёнаў, быў паляк: http://www.opoka.org.pl/biblioteka/P/PS/pk200902-siemionow.html.

Пераклад фрагмента інтэрв’ю:

– ... мелі мы з гэтай прычыны [ухваленне польскім сеймам “Карты паляка” – Alex19581958] хутчэй толькі праблемы. Лукашэнка перапужаўся, што Польшча будзе раздаваць карту налева і направа, так як расіяне рабілі са сваімі пашпартамі ў Абхазіі і Асетыі. У дзяржаўных медыях пачалася шалёная негатыўная кампанія, увесь час паўтаралася, што гэта пасварыць нашы народы і дойдзе да канфрантацыі. Калі ж Лукашэнка пабачыў, што людзі масава не кінуліся на гэтыя карты паляка, і што большасць іх пайшла за дзяржаўнай прапагандай, супакоіўся. І да такой ступені, што прадстаўнік яго адміністрацыі паінфармаваў, што беларускі прэзідэнт таксама тэарэтычна можа хадайнічаць аб карце паляка, бо яго дзед быў палякам. На самой справе пасля даследавання аказалася, што дзедам Лукашэнкі быў капрал Войска Польскага Фелікс Зданкевіч, які ў 1920 годзе біў бальшавікоў пад Кіевам, а пасля 1934 года вартаваў іх як ахоўнік у лагеры ў Бярозе Картузскай. Хто ведае, можа і наш прэзідэнт адчуе ў сабе польскую кроў?

Трагедыя з маршруткай паблізу Вілейкі

2009-11-12T15:54:35Z

Трагедыя з маршруткай паблізу Вілейкі. Загінуў чалавек:
http://www.rh.by/by/46/40/780/

Пра паненку, у якой голас не дрыжыць-2

2009-11-12T10:29:48Z

Паслязаўтра ў Маладзечне заменяць тэлефонныя коды і ўсе нумары тэлефонаў. Абзвон механічнай паненкай-аўтасакратаркай абаненцкай сеткі працягваецца. Сёння наша прыбіральшчыца бедзілася, што ніяк не можа запомніць новага кода:
-- І так хутка гаворыць, што не запомніць. Шмат жа каму трэба пазваніць. Спяшаецца, каб паспець.
:)

Рускі і немец

2009-11-12T07:24:36Z

Захацелася гэту тэму вынесці асобным постам.

У блогу Будзіміра цяпер ідзе абмеркаванне таго, наколькі беларусы хворыя на русафобію: http://budzimir.livejournal.com/8633.html?view=94905#t94905

Дзікі дзік (http://dziki-dzik.livejournal.com/) кажа, што ў дзяцінстве яны гулялі “ў рускіх і немцаў”. І я так зразумеў, што перажывае з-за таго, што не гулялі ў гульні кшталту “беларусы-маскалі пад Оршай”.

Дык усё нармальна ў нас, хлопцы.

Рускі і немец.

Таксама некалі задумваўся над нашым выразам: " не рускі, гавары па-руску". Гэта ўсё нармальна. Словы тут ужываюцца ў іх архаічных значэннях.

Рускі тут - сённяшні беларус. Скарына таксама пісаў "па-руску". Але гэта была старажытная, няхай сабе, але беларуская мова. Проста нашыя сеседзі з усходу прысабечылі назву "рускія", выпісалі на яе сабе сертыфікат і карыстаюцца. Не пераймайцеся гэтым.

Немец. Гэта ўвогуле чалавек, які не ўмее гаварыць па-наску. Нямы, адным словам. Палякаў мы разумеем, з літоўцамі жылі таксама ў адным доме і добра разумеліся, украінцаў разумеем. І першы немец для нас -- германец. Вось словы і сталі сінонімамі. Так што, калі вы гулялі ў вайну ў рускіх і немцаў, то вы гулялі ў вайну ў НАС і ІХ, ЧУЖЫНЦАЎ.

Ферштэйн?:)

Сала будзе!

2009-11-10T12:01:03Z

Крываль шакаваў байнэт:
http://krywal.livejournal.com/189732.html?view=3567140#t3567140
А вось што атрымаецца з яго кабанчыка:

Сфатаграфавана ў вёсцы Тураўшчына на Вілейшчыне летась.

Пра паненку, у якой голас не дрыжыць

2009-11-09T11:57:38Z

Днямі знаёмы маладзечанскі сувязіст быль распавёў. Прыходзіць у прыёмную да начальніка ўсіх маладзечанскіх тэлефонаў дзядзька. Прадставіцельны такой. І скаргу хоча начальніку ўсіх тэлефонаў падаць. Маўляў, тэлефануе ён тэлефануе, а яго паненка “нейкая вашая” ўсё павучае: “Неправільно набран номер”:

– Я і другі, і трэці раз ў яе пытаюся, а як правільна набіраць той номер? Дык яна таўчэ што таўкачом “Неправільно набран номер, неправільно набран номер!” Нервы мае не вытрымалі – ды і па-мужчынску яе... Паслаў. І што яна? – ”Неправільно набран номер”, б...дзь!

Я б скардзіцца не пайшоў, дык у яе, ведаеце, нават голас не здрыгануўся. Ну, калі я яе па-мужчынску...

14-га лістапада маладзечанскія сувязісты мяняюць парадак набору нумароў. Скрозь і ва ўсіх. Аўтаматычная паненка пачала абзвон з папярэджаннем аб гэтым таксама скрозь і ўсіх. І голас ў яе не задрыжыць:)

Гарбузовае пытанне

2009-11-08T14:02:37Z

Калі ты хочаш купіць гарбуза, а табе прапануюць тыкву, купляць ці не?

Па гушчары з дзецьмі...

2009-11-06T13:15:08Z

Рускамоўная дзяўчына, школьны псіхолаг, вельмі хацела ў беларускую газету напісаць. І напісала. А газета з парад псіхолага мала што разумела. Напрыклад: “Па гушчары з дзецьмі гуляйце...”. Пакуль газета не дапякла, што трэба: “Часцей з дзецьмі гуляйце”. Так нейкі белазар дапамог аўтарцы перакласці рускую фразу “Почаще с детьми…»

А так псіхолаг нічога. Пасябравала з газетай.

Не кожны чалавек у масцы...

2009-11-04T14:28:55Z

Які грып? Якраз іду браць банк!
Крыніца:
http://wichajstry.blog.onet.pl/

Успамінае ветэран Арміі Краёвай Юзаф Грыньчук

2009-11-03T09:31:57Z

Раззбраенне літоўскага атрада

– А ў партызанцы вы не ваявалі? Толькі ўступілі?...

– Ваяваць та я з нікім не ваяваў. Толька помню… Куцевічы вёска. Але там і пры Польшчы была гміна, і пры немцах гміна. Невялікая вёсачка Куцевічы. Гэта каля Барун. З Ашмян едучы на Баруны. І там стаялі літоўскія. Аддзел міліцыі, як ён там не помню называўся. І нам была задача раззброіць іх. Мы напалі і раззбраялі іх. Яны не адбіваліся. Далі каманду. Усё злажылі аруж'я. І раздзелі мы іх дагала...

Усё прачытаць (і паслухаць) можна тут:
З успамінаў ветэрана АК Юзэфа Грыньчука

Дэн Кастэла даехаў да Маладзечна

2009-10-29T16:42:00Z

Дэн Кастэла даехаў да Маладзечна.

І даў тут канцэрт. Амерыканскага спевака падтрымаў Зміцер Бартосік.

Фота Валера Трацяка.

Дарога на АЭС

2009-10-29T13:25:31Z

-- Тут у нас, пэўна, лепшая зямля, -- смяюцца суседкі. -- Надумаліся ў такім задрыпаным месцы станцыю ставіць. Але гэта зразумела. Калі станцыя такая врэдная - яе толькі і ставіць каля старых, каб скарэй кончыліся. Начальнікі ж сабе пад бок не паставяць.

Уся публікацыя Святланы Станкевіч і Андрэя Рогача з наваколля будучай АЭС ТУТ.

Так выглядае сёння дарога да АЭС у Астравецкім раёне.
Больш фота Анрэя Рогача на сайце rh.by